A Biblioteca Municipal de Ribadeo, de nome Biblioteca El Viejo Pancho, está situada no lugar coñecido como O Patín (na rúa Antonio Otero, 17) e consta de dous andares.

No andar baixo está a sala de lectura xeral (con 20 postos para nenos e nenas e 40 para persoas adultas), o fondo local, a hemeroteca, o depósito infantil e xuvenil e unha sala para os máis pequenos, o recanto dos contos ( onde poden gozar dun espazo especialmente dedicado para eles e sempre acompañados dalgunha persoa adulta).
No primeiro andar está a sala Dionisio Gamallo Fierros, a sala iberoamericana o fondo antigo e o depósito xeral.

A Historia
A Biblioteca ‘El viejo Pancho’ é unha das principais institucións culturais da vila e tomou o seu nome actual (pseudónimo do escritor local José María Alonso Trelles y Jarén) en 1957, cando se refundiu e ampliou a que existía dende 1941 e cuxa orixe estaba na unión dos fondos das bibliotecas creadas por vellas sociedades culturais ribadenses, como a do Ateneo, de 1915, ou a Biblioteca Popular Circulante, de 1927.

Na creación e no coidado de todas estas bibliotecas participaran no seu momento destacados intelectuais, como os fundadores do Ateneo (Manuel Margolles Déspora, Francisco Lanza Álvarez, Camilo Cancio Quindós e Amancio Pérez Martínez) ou os que lle deran vida á Biblioteca Popular Circulante (Gregorio Sanz García, Amando Suárez Couto e Camilo Barcia Trelles). Entre os artífices da refundación de 1957 estaban Dionisio Gamallo Fierros, Justo Barreiro Martínez, Amando Suárez Couto, Daniel Cortezón Álvarez e Domingo Rodríguez Fernández.

A biblioteca municipal pasou por diferentes locais no período no que aínda non tiña o carácter de centro oficial do Concello. Despois da Guerra Civil ocupara o vello local do Ateneo na rúa San Francisco, deseguido os baixos do Pazo de Ibáñez e, en 1957, instalouse na Torre dos Moreno para pasar, en 1996, ao seu actual emprazamento na rúa Antonio Otero no edificio do Patín onde estivo situada a antiga escola de náutica e unha academia de ensino medio.

Os fondos
A Biblioteca municipal consta na actualidade cuns 60000 volumes. Destes volumes, incluídos os das doazóns de Daniel Cortezón e de Dionisio Gamallo, se poden consultar no catálogo en liña da Rede de Bibliotecas de Galicia, na seguinte ligazón:

https://catalogo-rbgalicia.xunta.gal

O fondo Dionisio Gamallo Fierros está situado no primeiro andar da Biblioteca Municipal. Pódese consultar a través do Catálogo Meiga das Bibliotecas Públicas Municipais de Galicia.

O fondo Daniel Cortezón atópase na Casa El Viejo Pancho, onde están situados os servizos da Concellaría de Cultura.

Os fondos catalogados poden consultarse na web da rede de Bibliotecas de Galicia.

A Hemeroteca
Ribadeo é un dos municipios máis relevantes de Galiza no que a produción xornalística respecta, un feito que se reflicte na riqueza dos fondos que contén a hemeroteca municipal. Nela, reúnense publicacións locais de carácter periódico entre as que merecen especial mención, polo número de exemplares conservados, os semanarios Las Riberas del Eo, La Comarca e a súa continuación La Comarca del Eo. Destes, podería dicirse que se conservan practicamente as coleccións completas desde o ano 1957 ao tempo que, nos últimos meses e grazas á colaboración veciñal, aumentou o número de orixinais ou copias de exemplares doutros anos.

Outras publicacións que se poden consultar, aínda que xa en menor número, son El Ribadense, Bandera Católica, El Eo, El Radical del Eo ou El Pequeño Escolar. Tamén é posible atopar nela programas das festas patronais, desde os máis antigos aos máis recentes ou coleccións xa completas de xornais e revistas como Beiramar, Novo Amencer, Orballo, KM0, Xerfa e os suplementos de El Progreso e La Voz de Galicia dedicados á Mariña.

O fenómeno do consumo de drogas variou nos últimos anos, incorpóranse novas substancias, aumenta o consumo de substancias legais, diminúe a idade de inicio na súa utilización… Todo isto fai que a prevención destaque como unha ferramenta fundamental para evitar ou atrasar o seu consumo.

O Servizo Municipal de Prevención de Drogodependencias do Concello de Ribadeo comezou a funcionar en 1996 e está atendido nestes momentos por unha profesional da psicoloxía que traballa en diferentes ámbitos de prevención (escolar, familiar…). Neles, fóronse poñendo en marcha numerosos programas, deseñados con base en modelos de prevención psicosocial e sociocultural, cuxos obxectivos máis importantes son:

Educar ás persoas para que sexan capaces de manter relacións responsables coas drogas.
Atrasar a idade de inicio de consumo
Modificar aquelas condicións do contorno sociocultural que favorezan a aprendizaxe do comportamento do uso de drogas
Intervir nas causas do malestar individual, ben modificando aquilo que o produce, ben axudando ao suxeito a superalo

Estes son algúns dos programas máis relevantes que ten levado a cabo o Servizo Municipal de Prevención de Drogodependencias:

Cinensino
Programa de prevención do consumo de drogas dirixido a mozos/as de 1º e 2º de Educación Secundaria Obrigatoria a través do cine. Ao longo do curso os rapaces ven 3 longametraxes que se proxectan no Cine Teatro acompañados polos seus titores e por responsables municipais do programa. Logo de cada proxección, os alumnos traballan na aula unha Unidade Didáctica sobre a película que se envía a finais de curso a ESTINGA S.A., organizadores do programa. Entre os obxectivos deste programa están os de atrasar a idade de inicio do consumo de drogas entre o alumnado; potenciar a súa capacidade de decisión, autonomía persoal e autocoñecemento; potenciar o profesor como figura de prevención.

Programa de prevención de consumo de drogas na escola
A través dunha serie de materiais didácticos os titores traballan cos/as alumnos/as de 3 a 18 anos na prevención do consumo de drogas. Cada alumno/a de Educación Primaria ten un caderno axeitado á súa idade co que aprende mediante fichas unha serie de valores de prevención de drogodependencias e educación para a saúde. Os obxectivos deste programa son, fundamentalmente, diminuír os consumos de tabaco, alcol e hachís nos mozos/as e modificar as súas actitudes de cara ás drogas, mellorando a súa resistencia á presión de determinados grupos e axudándoo a facer unha utilización positiva do seu tempo libre.

Komikea
Baixo este título editouse unha revista de banda deseñada con fins preventivos, realizada polos propios mozos e mozas dos últimos cursos de ESO e de Bacharelato. Trátase de varios comics debuxados e deseñados por eles mesmos que posteriormente foron publicados como revista e repartidos entre todos/as os/as mozos/as de 15 anos ou mais. Esta revista elaborouse grazas á colaboración dos centros de ensino, que permitiron a formación dos rapaces tanto en prevención de drogodependencias como en elaboración de cómics dentro do horario escolar. No vindeiro curso 2008-2009 realizarase unha segunda edición.

Intervención socioeducativa na aula para ESO e EPO
O Servizo Municipal de Prevención de Drogodependencias pon en marcha tamén programas de intervención na aula dirixidos a alumnos de 5º e 6º de EPO e de ESO. A intervención en EPO consta de 5 obradoiros:

Conceptos básicos en drogodependecias
O alcohol. Desterrando mitos
Obradoiro sobre autoestima
Obradoiro sobre presión de grupo e aprender a dicir non
Obradoiro sobre publicidade do alcohol e o tabaco

A intervención en ESO e/ou Bach consta de 2 obradoiros:

Obradoiro sobre alcohol
Obradoiro sobre cannabis

Os obxectivos destes programas son informar e formar ao alumnado sobre drogas legais e ilegais; axudarlle a desenvolver estratexias para saber resistir a presión do grupo e fomentar o espírito crítico con respecto da publicidade das drogas legais.

Programa Radares
Os radares son alumnos/as elixidos/as entre voluntarios/as para representar ao colectivo escolar e servir de enlace entre os mozos e mozas e o propio Concello, de maneira que estes/as poidan expor as súas suxestións aos responsables municipais. Deste xeito, poderemos organizar aquelas actividades que máis lles interesen. Este programa foi realizado en colaboración coa Oficina de Información Xuvenil, e realizouse por primeira vez durante o curso 2007-2008. Elixíronse en cada centro 2 radares, un para ESO e outro para Bacharelato, coa excepción do CIFP Porta da Auga, no que se elixiu un único radar para toda a Formación Profesional.

As funcións dos radar foron as de atender un taboleiro e un punto informativo, reunirse semanalmente cos responsables municipais, recoller as demandas dos/as mozos/as con respecto ás actividades que lles gustaría que se realizasen desde o Concello, e crear e atender unha conta de correo electrónico creada especificamente para eles.

Cambio de sentido
Os accidentes de tráfico seguen sendo a primeira causa de mortalidade entre a mocidade de 15 a 24 anos, de aí a urxencia de realizar programas preventivos xa nas autoescolas, espazo ideal para chegar aos mozos e mozas que están sacando o permiso de conducir.

Os/as alumnos/as reciben un manual que contén información relevante sobre a seguridade vial e o impacto na mesma do consumo do alcohol e outras drogas. Así mesmo, reciben tamén unha charla informativa sobre a ilusión de invulnerabilidade, o uso racional do alcol, recomendacións no caso de ter pensado beber alcol, como actuar ante unha intoxicación de alcol e medicamentos, drogas e conducción…

Este programa comezou a desenvolverse o 18 de xullo de 2008 na autoescola Fama e os seus obxectivos son:

Mellorar a información dos alumnos e alumnas nas autoescoelas en relación ós riscos asociados á conducción de vehículos baixo os efectos do consumo de alcohol e outras drogas
Incrementar a percepción de \”vulnerabilidade persoal\” derivada da conducción dun vehículo tras haber inxerido alcohol e/ou outras drogas
Reducir número de accidentes entre os mozos nos que interveñen o alcohol e outras drogas
Reforzar a motivación para evitar o uso do vehículo cando se superen as taxas máximas de alcoholemia permitidas
Promover entre os alumnos das autoescolas alternativas á conducción baixo os efectos das drogas

Xornadas Ribadenses sobre Drogodependencias
En 2006 celebráronse as X Xornadas Ribadenses sobre Drogodependencias analizando a relación ente medios de comunicación social e drogas.

\’Cousas que che interesan como pai/nai: guía sobre drogodependencias\’
Baixo este título editase esta guía para pais e nais de mozos/as de entre 10 e 18 anos. Nela, infórmase sobre os programas realizados, os recursos que existen, os factores de risco e protección, os conceptos básicos e a clasificación das drogas, etc…

Os procesos de acollida da poboación inmigrante adquiren unha importancia relevante no eido da administración local, por ser esta a que está máis preto da cidadanía. Nela, detéctanse as principais necesidades e demandas da poboación retornada e inmigrante e, en consecuencia, desenvólvense os primeiros procesos de acollida, información, orientación, atención e integración deste colectivo.

Os concellos configúranse como as entidades ás que se dirixe inicialmente a poboación retornada e inmigrante para buscar resposta ás súas demandas e para acceder aos recursos existentes. Desde a Oficina de Atención e Asesoramento a Inmigrantes do Concello de Ribadeo, entendemos que a integración debe ser un proceso bidireccional e baseado nos dereitos e obrigas de estranxeiros e autóctonos.

O noso obxectivo principal é prestar unha atención integral e efectiva ao colectivo inmigrante para:

Co fin de ir materializando os seus obxectivos, a Oficina de Atención e Asesoramento a Inmigrantes puxo en marcha os seguintes programas:

A finalidade deste programa de apoio e compensación educativa é atender o desfase curricular derivado da procedencia de outros sistemas educativos e á aprendizaxe das linguas do país de acollida, así como reforzar o sistema de axudas no ámbito escolar.

Este programa ten por finalidade a realización de actividades de educación intercultural e para a tolerancia a través de prácticas e talleres educativos, xogos infantís e outras actividades similares. A súa finalidade é promover o coñecemento mutuo e o respecto das características propias de cada cultura e de fomentar actitudes positivas ante o feito da diversidade entre a poboación escolar galega.

Programa deseñado para desenvolver actividades que contribúan a incrementar o acceso ao emprego do colectivo e a proporcionar unha formación útil de cara a favorecer a súa inserción laboral.

Este programa engloba as accións dirixidas a facilitar a integración social das mulleres inmigrantes. Entre as accións que se van a desenvolver inclúense aquelas destinadas a proporcionar información, asesoramento, inserción social e laboral, accións formativas e educación para a saúde, entre outras.

Neste programa inclúense proxectos que teñan por obxecto establecer espazos de encontro e contextos que favorezan o diálogo entre ambas as dúas poboacións, promovéndose valores de respecto, tolerancia e solidariedade que eviten no futuro actitudes racistas e xenófobas.

Un dos colectivos que, polas súas necesidades, require dunha atención máis especializada é o das persoas maiores. Segundo as cifras do INE (2008), os/as maiores de 65 anos constitúen o 24,4% da poboación ribadense.

Para unha mellor xestión dos servizos e dos recursos que as diferentes administracións teñen posto en marcha para mellorar a calidade de vida das persoas maiores, os Servizos Sociais do Concello de Ribadeo ofrecen axuda para tramitar as seguintes prestacións socio-económicas:

Pensión non contributiva de xubilación (pdf, 40 kb)
Complemento para titulares de PNC que residan nunha vivenda alugada (pdf, 36 kb)
Fondo de Asistencia Social-Ancianidade (pdf, 32 kb)
Axudas individuais non periódicas para terceira idade (pdf, 32 kb)
Prestación económica ás persoas desprazadas ao estranxeiro durante a súa minoría de idade como consecuencia da Guerra Civil (pdf, 44 kb)

A través dos/as profesionais de Servizos Sociais do Concello de Ribadeo, os/as interesados/as poderán obter tamén información sobre os seguintes programas:

Cheque asistencial (pdf, 40 kb)
Acollemento familiar para a terceira idade (pdf, 40 kb)
Termalismo Social IMSERSO (pdf, 48 kb)
Turismo Social (termal e intercambio) (pdf, 56 kb)
Estadías temporais en residencias públicas (respiro familiar) (pdf, 48 kb)
Apoio Social para familias con maiores dependentes (respiro familiar) (pdf, 52 kb)
Xuntos no Nadal
Programa de vacacións para persoas maiores do IMSERSO (pdf, 44 kb)
Programa de Axuda no Fogar (pdf, 32 kb)
Programa de novas tecnoloxías \’Acompáñote\’: Localización permanente e control voluntario (pdf, 48 kb)

servizos:

Transporte Adaptado: 065-Servizo Galego de Apoio á Mobilidade Persoal (pdf, 52 kb)
Teleasistencia-Telealarma (pdf, 32 kb)

e sobre todo o relativo ao ingreso nos centros dependentes da administración local:

Centro de Día Municipal \’A Concordia\’ (pdf, 48 kb)
Residencia Municipal \’San Sebastián e San Lázaro\’ (pdf, 56 kb)
Vivendas Comunitarias para a Terceira Idade (pdf, 44 kb)

ou de outras administracións:

Centros de Día do Consorcio Galego de Servizos da Igualdade e o Benestar
Centros de Día de Alzhéimer
Centros residenciais para maiores propios da Xunta (Vicepresidencia)
Centros residenciais para maiores con prazas públicas concertadas
Ingreso en residencias

Os Servizos Sociais do Concello de Ribadeo colaboran con todas aquelas persoas que se atopan en situación de discapacidade para facilitarlles a tramitación e obtención das prestacións económicas ás que teñen dereito.

Entra en cada un destes recursos para obter información sobre o seu concepto, requisitos, beneficiarios/as, contías…

A través dos/as profesionais de Servizos Sociais do Concello de Ribadeo, os/as interesados/as poderán obter tamén información sobre os seguintes programas:

Servizos:

e sobre todo o relativo ao ingreso nos centros concertados e naqueles outros dependentes de:

RIBADEO + ECONOMÍA CIRCULAR nace como un programa de difusión, formación, asesoramento e acompañamento de cara a promover e facilitar a transición circular como fonte de vantaxe competitiva para negocios do sector turístico da nosa vila.

Programa de formación máis mentorización, con prazas limitadas, que se desenvolverá nos meses de outubro/novembro e que está dirixido a hostalaría e restauración de Ribadeo.

No transcurso deste programa dotarase aos participantes de instrumentos e medidas para aplicar nos seus establecementos e que lles permitan iniciar a transición cara a unha economía máis circular, a modernización a través da sostibilidade, a xestión eficiente dos recursos, a mellorar da experiencia do cliente e que ademais permita un aforro de custes para as empresas, unha mellor imaxe reputacional e benestar social entre outras cousas.

As formacións teñen un mínimo de 10 persoas para levar a cabo a súa organización é un máximo de 15.

Para inscribirse poden enviar o ANEXO II cuberto a través da Sede Electrónica do Concello ou facelo de xeito presencial en caso de ser unha persoa física.

Para máis información chamar ao concello ao 982128650 ou enviar un correo electrónico a adl(arroba)ribadeo.org

As feiras e mercados que teñen lugar ao longo do ano en Ribadeo, verdadeiros puntos comerciais de referencia comarcal, cumpren unha función estratéxica no desenvolvemento económico local, de aí as diferentes actuacións que se deseñan desde o goberno municipal para dinamizar e apoiar estes espazos.

Os máis importantes e coñecidos, fóra e dentro do municipio, son:

Mercado do Nadal
Aínda que a súa orixe é moito máis antiga, o mercado do Nadal, tradicionalmente vencellado á venta de produtos da temporada e agasallos, recuperouse de novo no ano 2003. Ten lugar na ponte de Constitución baixo unha carpa acondicionada que se sitúa na praza central da vila.

Coa celebración deste mercado, no que venden as súas mercadorías artesáns e vendedores de manufacturas e produtos do campo, o Concello de Ribadeo quere poñer en valor a artesanía local e colaborar na dinamización socioeconómica do municipio.

A súa celebración vén acompañada de actividades de animación para todo o público: obradoiros de artesanía, contacontos, mostras de oficios tradicionais, concertos, animación de rúa… así como dunha exposición de artesanía.

Mercado dos domingos
Coa recuperación do mercado dos domingos, tradicional en Ribadeo a pesar de que non se formalizara desde o ano 1962, o Concello revaloriza e fomenta a diferenciación dos produtos locais e apoia a creación dun espazo de calidade para a súa comercialización.

Xunto con esta iniciativa naceu tamén a Asociación de Produtores da Horta A Sucadoira, que é a verdadeira protagonista deste mercado.

Durante o inverno ten lugar no segundo domingo de cada mes na praza de abastos, mentres que no verán se celebra, todos os domingos, nas inmediacións desta.

Mercados dos mércores
Ten lugar todos os mércores do ano nas inmediacións da praza de abastos, onde se poden adquirir gran variedade de produtos de primeira calidade.

Feira de produtos da horta
Realízase con motivo do peche da campaña de verán do mercado dos domingos e iniciouse grazas ao traballo do grupo de desenvolvemento rural da Asociación Puente de Los Santos, a través do programa Leader.

Os seus obxectivos son fomenta re poñer en valor os produtos locais da horta, artellando así un espazo para os produtores do agro da localidade.

Ten lugar na praza central da vila nunha fin de semana da segunda quincena de setembro e grazas en boa medida á colaboración da Asociación de Produtores da Horta A Sucadoira.

Praza de abastos
A praza de abastos, principal referente da comercialización de produto fresco en Ribadeo, conta cunha situación privilexiada no corazón da vila. Dispón ademais dunha zona de aparcadoiro gratuíto situado ao pé desta e mais do Centro Comercial Aberto de Ribadeo, o que permite mercar con comodidade ao tempo que se dá un fermoso paseo pola vila.

Foi construída en 1935 sobre nuns terreos doados por Ramón González e preséntase como un edificio de estilo funcionalista, cunha estrutura de ferro á vista e unha interesante composición de fachadas.

O sector hostaleiro e comercial ribadense xoga un papel fundamental na economía local, en tanto que conta cunha gran proxección e potencialidade para a creación de emprego e riqueza na nosa localidade.

Desde a área de Desenvolvemento local do Concello somos conscientes de que este sector pode ser capaz de crear as sinerxias necesarias para desenvolver o noso territoro desde unha visión integrada e vinculada ao aproveitamento da nosa cultura e patrimonio.

Estes son, ata o agora algúns dos programas e campañas máis importantes que se teñen posto en marcha desde esta área para favorecer o desenvolvemento da nosa hostalaría e do comercio:

Concurso de tapas ‘Ribadeo de tapeo’
A área de Desenvolvemento Local do Concello de Ribadeo organiza anualmente, desde 2006, este concurso, que hoxe é xa unha cita ineludible para os nosos hostaleiros e hostaleiras e para o público en xeral.
‘Ribadeo de tapeo’ ten lugar na terceira semana de maio e naceu para fomentar a competitividade e a calidade do servizo hostaleiro ribadense, potenciando a colaboración entre a administración pública e este sector e fomentando o grado de profesionalidade deste último.

No ano 2007 editouse por primeira vez un libro dedicado a este evento: De tapas por Ribadeo, 39 receitas propostas pola hostalaría de Ribadeo. Nel, recompílanse todas as receitas das propostas presentadas ao concurso.

‘Ribadeo, con moito gusto’
Baixo este nome, púxose en marcha unha campaña de promoción e integración do galego e de outras linguas na hostalaría de Ribadeo.

Coa colaboración directa dos/as alunos/as do IES Porta da Auga e da Dirección Xeral de Turismo, traducíronse os menús e cartas dos locais de hostalaría e restauración de Ribadeo a 4 idiomas: galego, español, inglés e francés.

A maiores, deseñáronse tamén outros elementos (gardamanteis, marcapáxinas, carteis…) cos que se pretendeu fomentar unha mellora na calidade de imaxe dos establecementos.

Entre os obxectivos destas actuacións cómpre suliñar a modernización do servizo, a creación dunha imaxe de calidade e a achega de autenticidade á oferta gastronómica e de servizos da hostalaría Ribadense.

CCA e a colaboración do Concello
Unha vila sen pequeno comercio sería unha vila sen vida. Un pequeno comercio que ademáis achega riqueza. Polo que as diferentes organizacións de empresarios e as propias Administracións Públicas están a realizar un esforzo continuo en definir un modelo comercial de centro que acade a dinamización e o fomento do seu tecido empresarial.

E por iso que os centros comerciales abertos convertéronse nos ultimos anos nunha alternativa viable para acadar que os centros das nosas vilas e cidades, que grazas a súa concentración comercial, sexan verdadeiros polos de atracción competitivos no eido do comercio

Neste senso o Concello de Ribadeo ten asinado un convenio de colaboración co CCA desde o ano 2005 polo cal comprométense a realizar a fomentar actuacións de cara a renovación comercial e dinamización do comercio de Ribadeo, a través do Centro Comercial Aberto de Ribadeo (CCA).

En concreto algunhas das actuacións que se desenvolveron:

Plan de humanización do centro urbano, mediante a peonización e semipeonización das rúas de San Francisco, Ramón González, Doutor Moreda e Reinante, que embeleza o entorno urbán.

Implantación da sinalización comercial e mellora de mobiliario urbano, de forma que se constitúa nunha organización comercial, cunha imaxe e unha estrategia propia, que goza dunha concepción global de oferta comercial, servizos, cultura e ocio.

Colaboración na elaboración dun diagnóstico empresarial de Ribadeo que se presentou baixo o título “estudo da situación do pequeno comercio en Ribadeo”.

A Área de Desenvolvemento Local do Concello de Ribadeo dispón dun servizo de orientación e inserción laboral dirixido tanto a persoas desempregadas como a aquelas outras que desexen mellorar a súa situación laboral.

Dende o servizo de orientación laboral elabóranse diagnósticos individualizados, ao tempo que se ofrece información personalizada sobre os recursos existentes no territorio para a busca de emprego e formación.

A oferta en canto a orientación, formación e emprego organízase principalmente arredor dos seguintes servizos:

O Portal de Emprego “Ribadeo Emprego” vai dirixido tanto ás persoas que buscan emprego activamente como as empresas ou autonomos/as que necesitan incorporar persoal.

Se es unha persoa demandante de empregopoderas ver as ofertas de emprego publicadas e enviar a túa candidatura a aquelas que resulten do teu interese.

Poderás inscribirte a todas as ofertas de emprego que desexes, incluíndo un Currículo adaptado para cada oferta. Na túa conta poderás almacenar estes Currículos e utilizalos de novo para inscribirte a outras ofertas, modificalos ou eliminalos.

Periodicamente recibirás no teu correo electrónico as últimas ofertas de emprego publicadas no portal, así como as novas máis relevantes en materia de emprego e formación.

Se es unha empresa poderás publicar as ofertas de emprego que necesites, recibirás no teu email os CVs das persoas interesadas en inscribirse na túa oferta, e poderás poñerte en contacto con elas para realizar o proceso selectivo.

En cooperación coa Dirección Xeral de Traballo da Xunta de Galicia, o Concello de Ribadeo pon en marcha, anualmente, programas de emprego en diferentes actividades de utilidade social a través da oferta de postos de traballo temporais para a realización de obras e servizo no eido da actuación municipal. A condición para poder acceder a estes programas é ser desempregado/a e estar inscrito/a no Servizo Público de Emprego de Galicia.

Os obradoiros de emprego constitúen programas mixtos de formación e emprego dirixidos a mellorar a cualificación profesional das persoas desempregadas maiores de 18 anos. Lévanse a cabo alternando a formación coa práctica profesional, a través da realización de obras ou a prestación de servizos de utilidade pública e interese social.

De información e asesoramento técnico, sobre os instrumentos de promoción e fomento da competividade empresarial dispoñibles, a tramitación de subvencións, a lexislación vixente…

De xestión de ofertas de traballo, poñendo a disposición das persoas interesadas unha ampla base de curriculum e perfís profesionais, proporcionando información sobre axudas e subvencións á contratación de persoal…

Portal de Emprego, publicación das ofertas de emprego, para poder atopar de forma rápida e sinxela persoas candidatas co perfil adecuado para o posto de traballo vacante.