A Xunta de Goberno Local está formada polo conxunto dos/as concelleiros/as designados polo alcalde, presididos por este e asistidos pola Secretaría Xeral da Corporación. O pleno do Concello acordou delegar neste órgano as seguintes atribucións:

• Outorgamento de licencias urbanísticas para os actos de edificación, uso do solo ou subsolo segundo a numeración recollida no artigo 194 da Lei 9/2002, de 30 de decembro, de Ordenación Urbanística e Proteccion do Medio Rural de Galicia, artigo 10 do Regulamento de Disciplina Urbanística aprobado por Decreto 28/1999, de 21 de xaneiro, para o desenvolvemento da Lei do solo de Galicia e disposicións concordantes do vixente Plan Xeral de Ordenación Urbana de Ribadeo; así como o outorgamento das licenzas de actividades sometidas a avaliación ambiental, agás que por razóns de urxencia e interese público se avoque a competencia delegada cando non sexa posible a realización de Xunta de Goberno Local e co fin de cumprir co disposto no artigo 196. 2 da citada Lei 9/2002.
• Liquidacións tributarias derivadas do outorgamento das anteriores licenzas urbanísticas.
• Exencións e bonificacións en expedientes tributarios e de prezos públicos.

Así mesmo o pleno acordou delegar tamén na Xunta de Goberno Local as seguintes competencias do pleno:

• Aprobación/informe/renovación do padrón municipal de habitantes
• Emisión do informe municipal, de ser preceptivo, para actuacións urbanísticas en Solo rústico (Lei 9/2002, de 30 de decembro).
• Declaración de ruína non inminente segundo o artigo 201 da Lei do Solo de Galicia.
• Adquisicións de bens derivados de cesións urbanísticas cando o seu valor exceda dos atribuídos como competencia da alcaldía.
• Resolución de expedientes vinculados coas licenzas municipais de auto-taxis: creación e amortización de prazas, concesión e revocación de licenzas, autorización, cambio de vehículos, autorización de prestación de servizo mediante asalariados, incoacións e resolución de expedientes sancionadores e todos aqueles derivados da Ordenanza Municipal do Servizo e do Regulamento Nacional de Transportes en Automóbiles Lixeiros.
• Asuntos derivados da Praza Municipal de Abastos conforme á súa ordenanza reguladora.

Composición

A Xunta de Goberno Local, baixo a presidencia do alcalde, Daniel Vega Perez, está composta por concelleiros/as dos grupos políticos con maior representación nas eleccións:

• Montserrat Seijo Diaz (PP)
• Begoña Sanjurjo Santar (PP)
• Marta Maria Saiz Garcia (PP)
• Diego dos Santos Rodriguez (PP)

Réxime de sesións

Este órgano celebra as súas sesións ordinarias o primeiro e terceiro martes de cada mes.

No caso de que estas datas coincidan cun día festivo, ou se non se puidese levar a cabo a sesión por unha causa xustificada, esta convocaríase para o seguinte día hábil.

O horario das sesións, para todo o ano, quedou fixado para as 20:00 horas.

Favorecer a utilización racional e sostible do espazo que habitamos, protexer o medio natural, mellorar a nosa calidade de vida e contribuír ao equilibrio territorial. Os obxectivos marcados polo goberno ribadense en materia de urbanismo e ordenación do territorio requiren dunha serie de normas e recursos sen os cales non sería posible materializar estes fins.

Á declaración da zona antiga da vila de Ribadeo como Área de Rehabilitación Integral, un recoñecemento que permitiu xa o desenvolvemento de importantes rehabilitacións de inmobles, o goberno local agarda sumarlle moi pronto a aprobación dunha norma básica para a ordenación integral do seu territorio, o Plan Xeral de Ordenación Municipal.

Neste espazo podes coñecer polo miúdo todo o que precisas saber acerca do estado actual destas dúas figuras e do deseño das políticas urbanísticas do Concello de Ribadeo

Este trámite é preciso para que os cidadáns e cidadás que vaian a abordar unha obra nos seus fogares, establecementos comerciais… solicitar a licenza municipal que os autorizará para abordar ese labor.

Dirixido:

Toda a cidadanía que desexe levar a cabo obras e/ou instalacións nos seus domicilios, establecementos comerciais, propiedades…

Documentación:

En todos os casos será preciso entregar a seguinte documentación:

• Plano de situación (Plan Xeral de Ordenación Municipal)
• Plano de emprazamento (con distancias a posibles camiños, pistas, etc.)
• Liquidación: imposto e taxas

No caso de obras menores será preciso entregar tamén:

• Proxecto técnico (non é necesario visado)
• Memoria das obras ou instalacións a realizar
• Presuposto por escrito
• Estudo básico de seguridade e saúde subscrito por un técnico competente (non é necesario visado)
• Plano de planta e alzados (se procede e segundo o caso)
• Para o caso de reparacións ou reformas en edificacións pre-existentes (licenza de obra ou título que acredite a existencia.)

Para as obras maiores compre entregar:

• Título de propiedade
• Proxecto técnico debidamente visado
• Estudo de seguridade e saúde visado
• Impreso de estatística de edificación
• Volantes ou comunicacións do Colexio Oficial coa dirección de obra de Arquitecto e aparellador ou arquitecto técnico

No caso de obras no núcleo antigo será necesario entregar tamén 2 fotografías da fachada e/ou zona na que se vai actuar. No dos edificios para vivendas colectivas as persoas interesadas deberán presentar o Proxecto de ICT.

Para a realización de muros de peche, será preciso indicar os metros lineais que vai ter.

As persoas interesadas en obter unha certificación urbanística (relativa a información sobre alturas, volumes, edificabilidade…) deben facelo a través da solicitude anexa.

Documentación: Para realizar este trámite é obrigatoiro acompañar a solicitude correspondente da seguinte documentación:

• Plano a escala de situación, con distancias a posibles camiños, pistas ou estradas, do terreo que é obxecto de consulta (por duplicado)
• Fotografías, no seu caso

A porcentaxe de perda auga no sistema de abastecemento de auga potable do Concello de Ribadeo durante o ano 2023 foi dun 39,61%

O Concello de Ribadeo conta cunha autorización xenérica para realizar traballos de retirada de árbores secas e corta e poda de vexetación en ríos e regos do termo municipal que son competencia da Confederación Hidrográfica do Cantábrico, é dicir, os que desembocan no río Eo ou na ría de Ribadeo. Aquelas persoas que desexen facer uso desta autorización deben presentar unha comunicación no Concello de Ribadeo seguindo o formulario establecido, o cal se xunta á marxe dereita.

Por outra banda, os ríos e regos que desembocan na costa, no mar Cantábrico, resultan da competencia de Augas de Galicia. Neste caso, á hora de realizar estes traballos menores de limpeza de ríos e regos, a xestión administrativa necesaria debe realizarse directamente ante o organismo autonómico: augasdegalicia.xunta.gal

A ORDENANZA PARA A PREVENCIÓN DE INCENDIOS FORESTAIS E A SALVAGARDA DAS CONDICIÓNS DE LIMPEZA, ORNATO, SALUBRIDADE E SEGURIDADE DOS TERREOS POLA QUE SE REGULAN AS PLANTACIÓNS ARBÓREAS, AS OBRIGAS DE XESTIÓN DE BIOMASA E OS USOS DO LUME NO SOLO URBANO, DE NUCLEO RURAL E URBANIZABLE DO CONCELLO DE RIBADEO, no seu capítulo III, regula o uso do lume en solo urbano, de núcleo rural e urbanizable no termo municipal de Ribadeo.

Así, poderanse queimar restos vexetais procedentes de hortas e xardíns en solo urbano, de núcleo rural e solo urbanizable, cos debidos coidados, debendo ser comunicado previamente ao Concello de Ribadeo a través do Anexo I desta Ordenanza.

Non obstante, queda prohibida calquera tipo de queima en época declarada de perigo alto de incendio e, fóra desta época, cando o índice de risco diario de incendio sexa alto, moi alto ou extremo.

O uso do lume nas festas festas locais ou de arraigada tradición popular dentro de solo urbano, de núcleo rural e urbanizable requirirá autorización previa do Concello, na cal figurarán, en todo caso, as medidas de seguridade e prevención de incendios forestais.

As queimas en solo rústico son competencia da Xunta de Galicia a través da Consellería do Medio Rural.

Requisitos:

Á hora de facer uso do lume en solo urbano, de núcleo rural ou urbanizable deberá, cando menos, respectarse as seguintes medidas preventivas:

• A queima non se iniciará antes de saír o sol e quedará totalmente extinguida dúas horas antes do momento da súa posta.
• Previamente ao seu inicio, farase unha devasa mediante a eliminación manual ou mecánica da totalidade do material combustible nunha franxa de polo menos cinco metros de largo, rodeando o perímetro que se vai queimar.
• Non poderá iniciarse ningunha queima cando as condicións meteorolóxicas poidan dificultar o seu control, especialmente nos días de vento. Así mesmo, se iniciados os traballos se producise a aparición de vento, suspenderase inmediatamente a operación procedendo a apagar o lume.
• Non se abandonará a vixilancia da zona queimada, ata que o lume estea totalmente apagado e transcorresen dúas horas sen que se observen lapas ou brasas.
• Concello de Ribadeo poderá suspender temporalmente as comunicacións de queima, se as condicións meteorolóxicas así o aconsellan.
• A comunicación de queima non eximirá en ningún caso das responsabilidades por danos e perdas a que houbera lugar no caso de producirse un incendio forestal ou calquera outro tipo de afección negativa polo uso do lume cando concorra neglixencia ou imprudencia.

Lugar de solicitude:

A comunicación (Anexo I), debidamente cuberta, debe entregarse nas Oficinas Municipais (en horario de 9:00 a 14:00 horas).

En solo rústico a queima de restos vexetais deberá tramitarse ante a Consellería do Medio Rural, a través da web queimasweb.xunta.gal ou do teléfono 012.