Terá lugar na Biblioteca Pública Municipal “EL Viejo Pancho” de Ribadeo
Martín Barreiro presentará o seu libro “El extraordinario Planeta A. ¡Nos importa el cambio climático!” na Biblioteca Pública Municipal “EL Viejo Pancho” de Ribadeo.
O meteorólogo e experto en comunicación sobre cambio climático Martín Barreiro presentará o seu libro “El extraordinario Planeta A. ¡Nos importa el cambio climático!” na Biblioteca Pública Municipal “EL Viejo Pancho” de Ribadeo.
O libro, orientado ao público infantil, ofrécenos información rigorosa acompañada dunhas ilustracións moi coidadadas sobre os problemas que ocasiona o cambio climático no noso medio.
A Concelleira de Cultura, Begoña Sanjurjo, anima a nenos e adultos a asistir á presentación, xa que “é unha ocasión para traballar a conciencia ecolóxica e o coidado do medio ambiente da man dun comunicador que conta cunha sólida formación científica. Con esta actividade pretendemos achegar a ciencia a todos vós e combatir a desinformación e os bulos sobre o cambio climático, pois son unha problemática real que pode dificultar a comprensión e a adopción de medidas para abordar este problema.”
O acto terá lugar o xoves 8 de maio, ás 17:30 horas, na Biblioteca Municipal de Ribadeo.