Máis de 200 alumnxs asistiron ao contacontos “O mundo ao revés” no Auditorio Municipal.
Máis de 200 alumnas e alumnos de 3º e 4º de Educación Primaria dos centros educativos Gregorio Sanz e Sagrado Corazón asistiron ao contacontos “O mundo ao revés”, celebrado no Auditorio Municipal.
A actividade, a cargo do grupo Trémola Teatro, enmarcouse dentro da programación organizada con motivo do 8 de marzo, Día Internacional da Muller, e tivo como obxectivo promover entre o alumnado a reflexión sobre a igualdade entre mulleres e homes a través da narración, o humor e a participación.
Durante a sesión, o alumnado puido achegarse a historias nas que os roles tradicionais se invertían, convidando a pensar sobre os estereotipos de xénero e a importancia de construír unha sociedade máis xusta e igualitaria desde idades temperás.
Desde a Concellería de Igualdade e desde o CIM valoran “moi positivamente a participación e o interese amosado polo alumnado, é importante continuar impulsando actividades educativas que fomenten a igualdade e o respecto desde a infancia dentro da programación do 8M”.