Hoxe na Casa do Concello tivo lugar a xunta local de seguridade.
O alcalde, Dani Vega, contou que “hoxe celebramos a Xunta Local de Seguridade para abordar desde o punto de vista da seguridade os eventos, as festas e as celebracións que vai ter Ribadeo nos próximos meses. Quero agradecer a presenza da subdelegada do Gobermo, dos distintos Corpos e Forzas do Estado e analizar, profundar, dende os controis da alcoholemia e tamén desde todos os espazos que lles teñan garantidos desde o punto de vista da seguridade”.
O rexedor considera que “as celebracións, os eventos, os festivais e as festas que hai en Ribadeo, debemos coordinalas entre as distintas administracións, tamén os distintos Corpos e Forzas do Estado. Agradecer á Policía Local porque vai tutelar, vai levar a batuta nesta seguridade dos distintos eventos que ten Ribadeo, pero agradecerlle evidentemente a todos os Corpos e Forzas do Estado da nosa comunidade. Así tamén agradecer todo o traballo que se está facendo por parte da Concellería de Seguridade, á súa concelleira, porque creo que é importante organizar, celebrar, dinamizar a nosa vila, pero sempre cumprindo cos parámetros de seguridade e dotando os espazos desa seguridade que queren tanto veciños como visitantes”.
Vega dixo: “na xuntanza de hoxe abordamos dende o Ribadeo Indiano, a festa Percebe, a Xira e todos os festivais que vai haber en Ribadeo e tamén nas festas patronais. E tamén incidimos moito no 12 de agosto, o día do eclipse, no evento que se vai organizar na praia das Catedrais”.
Para o alcalde ribadense “foi unha reunión moi positiva, aproveitámola perfectamente e eu quero incidir nesa colaboración entre as administracións para garantir os espazos e os eventos, desde un punto de vista da seguridade”.