- Parroquias
- Territorio e clima
- Espazos naturais
- Historia
- Poboación
- Economía
- Guía de empresas
- Guía de enderezos útiles
- Patrimonio
- Galerías
A Devesa
Situada no extremo noroeste do concello, A Devesa limita polo norte co Mar Cantábrico; polo oeste, e co rego do Pernón como fronteira, co municipio de Barreiros; polo leste coas parroquias de Rinlo e Vilaframil e polo sur coas de Arante e Covelas.
A súa extensión, de 20,74 km2, convértea na parroquia con maior territorio do municipio. Presenta unha densidade de 29,45 habitantes/km2 e suma 603 (INE 2007) habitantes nas entidades de Cinxe (88 habitantes), Liñeiro (abandonado), Meirengos (55), Noceda (45), A Pedreira (31), O Rato (125), A Rochela (74), Vilagoíz (63), Vilandriz (89), Barrio Novo (6) e O Barral (31).
Esta parroquia concentra o maior número de praias do municipio (As Catedrais, Esteiro, Os Castros...).
Algo de historia
A presenza de restos de castros no lugar de Meirengos, datados do neolítico superior segundo cita Francisco Lanza Álvarez en Ribadeo antiguo, dá conta da existencia de asentamentos castrexos na Devesa.Equipamentos
- Campamento xuvenil da Devesa
Albergue integrado na Rede Española de Albergues Xuvenís e na Federación Internacional de Albergues Xuvenís. Está aberto nos meses de xullo e agosto e xestionao a Dirección Xeral de Xuventude da Xunta de Galicia.
Dispón de 250 prazas (75 no albergue e 175 en tenda de campaña), cociña, cuartos de seis camas, sala de usos múltiples e instalacións deportivas. - Pista polideportiva de Cinxe
- Teleclube de Cinxe
Local que forma parte da Rede de Telecentros de Ribadeo e que dispón de equipamento informático con conexión gratuíta a internet. - Teleclube de Noceda
Festas
Praias
