Concello de Ribadeo


Compartir:

Novas

BARCIA DI QUE A OBRA VAISE FACER IGUAL

Axuda denegada pola Xunta

22/05/2019

O alcalde, Fernando Suárez, asegura que o Concello renunciou a unha axuda da Xunta de infraestruturas vinculadas a servizos municipais hai uns meses, para solicitar outra destinada á mellora de infraestruturas, atendendo así ás recomendacións realizadas polos técnicos. O rexedor refírese á rúa Pintor Fierros, cuxa reforma suporía unha inversión de 60.000 euros, dos que o Concello pediulle á administración galega 40.000. Suárez Barcia di que a Xunta non quere falar do que aconteceu co Fondo de Compensación Ambiental. O Concello solicitou unha partida para mellorar un dos tres filtros da estación depuradora de auga potable do río Eo, que lle foi denegada. O alcalde ribadense pide que non tenten confundir á opinión pública.

BARCIA DI QUE ISTO LLES TRAERÁ CONSECUENCIAS O DOMINGO

Fondo de Compensación Ambiental

21/05/2019

O alcalde reproba, a través dunha carta, a actitude da Xunta que un ano máis deixa a Ribadeo fora do reparto do Fondo de Compensación Ambiental. O Concello solicitou unha axuda para a mellora do abastecemento de auga, que lle foi denegada. Suárez Barcia critica "a sectaria decisión tomada".

"POR ISTO PAGA A PENA SER UN SERVIDOR PÚBLICO", DIXO BARCIA

Comisión de valoración da residencia

21/05/2019

Hoxe celebrouse unha xuntanza da comisión mixta de valoración do novo centro de atención a persoas maiores de Ribadeo na que se supervisaron as 47 solicitudes de prazas presentadas. O alcalde ribadense, Fernando Suárez, confirmou que 30 desas solicitudes que están conformadas coa totalidade do expediente e poden ser pasadas ao sistema de valoración. O rexedor adiantou que o vindeiro venres, 24 de maio, será asinado o contrato de xestión de servizos coa empresa Clece e será a partires de xuño cando os primeiros usuarios poidan ir accedendo a esta instalación.

DEZASÉIS SON OS LOCAIS QUE PRESENTAN TAPA AO CONCURSO

50.000 tapas vendidas

20/05/2019

A concelleira de Turismo, Ana Martínez, fai un balance moi positivo do XIV Ribadeo de Tapeo. En total foron vendidas máis de 50.000 tapas entre o 11 e o 19 de maio, o que supuxo un movemento de 75.000 euros en total nos 45 establecementos participantes nesta edición. O broche de ouro chegará esta tarde que será cando se coñeza o nome das tapas gañadoras para o xurado profesional, que se reunirá a partir das 17:00 horas no hotel Voar.

O PÚBLICO ELIXIRÁ TAMÉN A SÚA TAPA E A MELLOR BARRA

Gañadores XIV Ribadeo de Tapeo

20/05/2019

Un total de 11 tapas, das 45 que participaron no XIV Ribadeo de Tapeo, se presentaron a concurso. O xurado profesional deu a coñecer a súa decisión hai uns minutos. O primeiro premio desta edición foi para El Oviedo con "Rillete de raia e botarga, licuado de chícaros, tubérculos e oblea de castañas", o segundo premio correspondeulle a O Piano con "O que quedou do Calafete" e o terceiro premio recaeu no Marinero con "Días de feira". O premio á tapa de Ribadeo foi para Texturas Galegas con "Lareira do mar".

A CLAUSURA OFICIAL DA PROGRAMACIÓN SERÁ O 9 DE XUÑO

De viaxe por Asturias

18/05/2019

Oitenta persoas das 120 que participaron nas Tardes de Lecer, no Tai Chi e na Ximnasia, actividades organizadas polo Concello de Ribadeo, gozaron dunha viaxe a Asturias.





© 2008 Concello de Ribadeo