Concello de Ribadeo


Compartir:

Novas

ANA MARTÍNEZ FAI UNHA CHAMADA Á PARTICIPACIÓN NESTA CITA

Polo Camiño Norte

22/03/2019

O Concello de Ribadeo organiza un ciclo de charlas, que se desenvolverán os días 2 e 4 de abril na localidade e que terán como protagonista ao Camiño de Santiago como dinamizador da economía local. Está destinado a todas as empresas existentes que ofrecen servizos aos peregrinos ou aquelas persoas interesadas na apertura de novos negocios en torno ao Camiño Norte e aos seus camiñantes.

ESTE SÁBADO, DÍA 23, SERÁN OS CANTOS DE TABERNA

Inscrición no Tapeo 2019

21/03/2019

Do 22 de marzo ao 5 de abril estará aberta a inscrición para participar no XIV Ribadeo de Tapeo, que se celebrará do 11 ao 19 de maio. O formato do concurso será o mesmo dos últimos anos, segundo explicou hoxe a concelleira de Turismo e Comercio, Ana Martínez. Haberá un xurado profesional e o público tamén elixirá a mellor tapa. E o prezo destas miniaturas da cociña será de 1,50 euros.

PARA QUE SEXA UN REFERENTE MUNDIAL DE BOA XESTIÓN

Coa mirada posta nas Catedrais

20/03/2019

O alcalde, Fernando Suárez, asistiu hoxe a un encontro en Madrid coa directora general de Costas, do Ministerio para a Transición Ecolóxica, e coa directora xeral de Patrimonio, da Xunta. Á saída desa xuntanza o rexedor avogou polo entendemento común de todas as administracións que teñen competencia neste momento na praia das Catedrais.

SUÁREZ BARCIA VISITOU AS INSTALACIÓNS NAS ÚLTIMAS HORAS

Duchas na Casa das Algas

19/03/2019

Xa están operativos os vestiarios e as duchas da Casa das Algas, tras as obras costeadas polo Concello con fondos propios. Unhas melloras das que se beneficiarán as rapazas e os rapaces que practican remo en Ribadeo.  

HABERÁ VARIAS CHARLAS E MESAS REDONDAS ESE DÍA

Alimentación máis próxima

18/03/2019

O Centro Pedro Murias, de Vilaframil, acollerá o 22 de marzo unha xornada denominada Pensar unha alimentación máis próxima. A cita está coorganizada polo Concello de Ribadeo e pola rede REVOLTA.

UN SOÑO COLECTIVO A PUNTO DE SER REALIDADE

Recibido o PIA

18/03/2019

O Concello de Ribadeo acaba de recibir o Permiso de Inicio de Actividade (PIA) para a residencia de maiores, que lle ven de conceder a Xunta de Galicia. Para o alcalde ribadense, Fernando Suárez, "despois de moitos meses de traballo e de moita ilusión, recibimos o PIA, que nos concede a Xunta, desbordada pola realidade das cousas". O rexedor subliña que este paso ben confirmar que "fixemos todo ben" e agora toca seguir ultimando os preparativos para a apertura da residencia de maiores de Ribadeo.





© 2008 Concello de Ribadeo