Ayuntamiento de Ribadeo

O Concello de Ribadeo segue na loita contra os lumes forestais e ven de publicar un Bando lembrándolles aos propietarios dos terreos a necesidade de telos rozados antes do remate do mes de maio. Refírese a aqueles que abranguen unha faixa de 50 metros ao redor de solo urbano, de núcleo rural e urbanizable e de vivendas illadas. O alcalde ribadense, Fernando Suárez, subliñou que o Concello iniciou no 2018 unha campaña "valente e inédita" a nivel galego para a protección dos núcleos de poboación e das vivendas illadas contra os lumes forestais, "de aí que ordenásemos que non podía haber especies arbóreas de alta combustibilidade a menos de 50 metros".

A organización do I Half Triatlón Ribadeo precida da colaboración de 150 voluntarios para o desenvolvemento da proba o vindeiro 15 de maio.

A concelleira de Cultura, Pilar Otero, fíxolles entrega ás directoras e director dos centros de ensino de Ribadeo de varios exemplares de 2 libros editados recentemente para que formen parte das súas bibliotecas.

A Biblioteca Pública Municipal "El Viejo Pancho" convoca o Certame de Narración e Debuxo Infantil Letras Galegas 2021 na súa fase local.

O alcalde, Fernando Suárez, fai un chamamento á poboación para que "estremen as precaucións nos comportamentos individuais e colectivos", logo de terse confirmado que os positivos por covid neste momento son 12 e que se están a facer máis probas para confirmar ou non novos casos.

O Concello ven de dirixir escritos ao Instituto Geográfico Nacional, á Consellería de Cultura, á Real Academia Galega e á Subdelegación do Goberno en Lugo para coñecer as pretensións do Principado de Asturias co topónimo oficial da Ría de Ribadeo. O alcalde, Fernando Suárez, subliña que "a ría de Ribadeo é un ben común de asturianos e galegos, que debe unirnos en lugar de afastarnos".