Concello de Ribadeo


Compartir:

Novas

EN CANTO SE RETOME O SERVIZO O CONCELLO INFORMARÁ

Contedores de Humana

17/04/2020

Humana vai proceder ao precintado temporal dos contedores de recollida de ropua que ten instalados en Ribadeo. Así llo comunicou a organización nas últimas horas ao concelleiro de Medio Ambiente, Jorge Díaz Freije.

NESTA WEB HAI UNHA GUÍA DINÁMICA CON TODAS AS NOVIDADES

Servizo de información

16/04/2020

O Concello de Ribadeo ofrece un servizo de información telefónica á cidadanía sobre as medidas e axudas relacionadas co Covid-19. Funcionará de luns a venres en horario de 9 a 14 horas.

O CONCELLO DESTINOU 9.000 EUROS A ESTES TRABALLOS

Máis desinfección no hospital asilo

15/04/2020

A concelleira de Servizos Sociais, Mónica Freire, subliñou que durante esta semana e a vindeira se están a ampliar e a reforzar as tarefas de desinfección no exterior e no interior do hospital asilo co obxectivo de garantir a seguridade dos usuarios e usuarias e dos traballadores. Estes traballos son costeados polo Concello. Mentres que a Deputación de Lugo estase a encargar da desinfección na nova residencia de maiores.

DÍAZ FREIJE PIDE QUE NON SE DEIXEN ABERTOS OS CONTEDORES

Desinfección nas parroquias

14/04/2020

A Concellaría de Medio Ambiente estendeu, desde hoxe, os traballos de desinfección de contedores ás parroquias ribadenses. Jorge Díaz subliña que deste xeito se dá un paso máis coas tarefas que se veñen desenvolvendo a diario, desde que se decretou o estado de alarma, diante dos establecementos esenciais que están abertos, do centro de saúde, das residencias de maiores, nos contedores, bancos, papeleiras e rúas da vila. O edil fai un chamamento á veciñanza para que non saia botar o lixo ata despois das nove da noite e pide que non se deixen os contedores abertos. Jorge Díaz recomenda levar luvas para botar o lixo ou lavar ben as mans cando se volva para a casa.

ISTO CONTRIBUIRÁ A DAR LIQUIDEZ Á ECONOMÍA MUNICIPAL

Pago a provedores

10/04/2020

O Concello pagou aos seus provedores desde que se decretou o estado de alarma por parte do Goberno facturas por un importe acumulado de máis de 395.000 euros.

O OBXECTIVO É QUE NINGUNHA PERSOA QUEDE DESASISTIDA

Reparto de alimentos

07/04/2020

O Concello adquiriu 12.000 quilos de alimentos non perecedoiros para repartir entre as familias con menos recursos de Ribadeo. A concelleira de Servizos Sociais, Mónica Freire Rancaño, lembrou que este reparto se fai durante todo o ano, aínda que agora se reforzou como consecuencia do estado de alarma que estamos a vivir.





© 2008 Concello de Ribadeo