Concello de Ribadeo


Compartir:

Novas

DARÁN COMEZO ENTRE O 16 DE SETEMBRO E O 15 DE OUTUBRO

Escolas Deportivas

11/09/2019

Do 16 ao 30 de setembro estará aberto o prazo de inscrición nas Escolas Deportivas do Concello de Ribadeo para tempada 2019/20. En total son 12 as modalidades ofertadas. O pagamento da matrícula, 60 euros por escola, poderá facerse ata o 15 de outubro. A nova edición das Escolas foi presentada hoxe polo concelleiro de Deportes, Jorge Díaz, e polo técnico municipal de Deportes, Iván López.

EDIFICIOS CON BOAS VISTAS E DE DIMENSIÓNS XENEROSAS

Nova poxa

11/09/2019

O Concello volve sacar a subasta, e faino por terceira vez, os dous inmobles da súa propiedade sitos na rúa Bispo Veres, números 2 e 4, segundo anunciou esta mañá o alcalde, Fernando Suárez Barcia. O prezo de saída do edificio nº 2 será de 31.000 euros e o do nº 4 será de 47.000 euros. As persoas interesadas en facerse con algún deles teñen 45 días naturais para presentar as súas ofertas a través da Plataforma de Contratos do Estado.

XA ESTÁN Á VENDA AS ENTRADAS PARA VER A EL BRUJO O DÍA 29

Axenda cultural

10/09/2019

A axenda cultural de Ribadeo para estes días inclúe unha exposición da ilustradora local Mónica Justo, que dará comezo o venres, 13 de setembro, e un espectáculo para os máis pequenos o domingo 15.

O ALUMNADO TRABALLADOR SERÁN MENORES DE 30 ANOS

Novo obradoiro de emprego

10/09/2019

O Concello inicia o proceso de selección das 19 persoas (16 alumnxs, 2 monitores e 1 director/a) da nova edición do Obradoiro de Emprego DOC-TIC, que arrincará a finais de setembro. Durante 6 meses os asistentes combinarán o traballo en arquivos e dixitalización coa formación a través dun contrato de formación polo que percibirán o Salario Mínimo Interprofesional.

A XUNTA ELABOROU 2 PROXECTOS QUE NUNCA SE EXECUTARON

Máis sobre a auga

10/09/2019

O alcalde de Ribadeo, Fernando Suárez, asegura que tanto Trabada como Ribadeo seguen a agardar pola chamada do presidente da Xunta, Alberto Núñez Feijóo, para falar do abastecemento de auga a ambos municipios. Para o rexedor ribadense non hai peor cego que o que non quere ver e acusa ao portavoz do PP no Concello de usar a mentira para sobreactuar e facerse ver "aínda que a realidade é ben diferente".

RECIBIRON ESTATUIÑAS EN RECOÑECEMENTO ÁS MEDALLAS LOGRADAS

Recepción ao Club de Remo

09/09/2019

O salón de plenos acolleu esta mañá a recepción ofrecida a cinco deportistas do Club de Remo de Ribadeo polos éxitos colleitados ao longo deste 2019. Trátase de Lucía Cotarelo Fernández, María Cociña López, Nerea Lago Cobas, Álex Fernández García e Sergio Molina Martín. Os cadetes estiveron arroupados polas súas familias e polos seus adestradores. Na recepción participaron o alcalde de Ribadeo, Fernando Suárez, e o concelleiro de Deportes, Jorge Díaz.





© 2008 Concello de Ribadeo