Concello de Ribadeo


Compartir:

Novas

MAÑÁ, MÉRCORES, HABERÁ MÁIS POSTOS NO MERCADO SEMANAL

Renumeración de vivendas

26/05/2020

O alcalde, Fernando Suárez, envía un aviso aos establecementos de venda ao público nos que non se están a gardar as medidas de seguridade necesarias para facerlle fronte ao Covid-19. O rexedor subliña que se eses locais non son capaces de garantir esas distancias o que teñen que facer é sinalizar un circuíto de entrada e outro de saída para evitar o contacto entre as persoas. Por outra banda, os propietarios dos inmobles afectados pola renumeración, que deu comezo hai uns meses, disporán ata finais do presente ano 2020 para proceder a facer os cambios correspondentes. Ata decembro convivirán os números antigos cos novos.

A CITA PREVIA PODE SOLICITARSE NO 982 120 701

Atención presencial

25/05/2020

O Concello de Ribadeo afronta a fase 2 da desescalada con novidades no seu funcionamento. Comeza a prestar atención presencial, pero con cita previa. O alcalde, Fernando Suárez, subliña que o teléfono e a administración electrónica seguen a ser os medios preferentes, pero cando isto non sexa posible e os veciños e veciñas teñan que achegarse ao Concello deberán facelo solicitando cita previa. Cando a veciñanza acuda ao Pazo de Ibáñez deberá facelo cumprindo con todas as medidas de seguridade e protección.

O REXEDOR ALUDE AO ARTIGO 9.2 DO BOE PUBLICADO HOXE

Cartas aos presidentes galego e asturiano

22/05/2020

O alcalde, Fernando Suárez, vén de enviarlles sendas cartas aos presidentes da Xunta de Galicia e do Principado de Asturias solicitándolles que se dirixan ao Ministerio de Sanidade para conseguir que se permita a mobilidade entre Ribadeo e os concellos limítrofes do Occidente astur. Alude aos lazos afectivos, familiares e emocionais "entre unha poboación separada por unha raia administrativa" e ás relacións comerciais entre ambas zonas.

E PIDE QUE NON SE DEPOSITE O LIXO ATA DESPOIS DAS 21 HORAS

Lavado de contedores

22/05/2020

O luns dará comezo un novo lavado dos contedores verdes na vila e nas parroquias, segundo ven de anunciar o concelleiro de Medio Ambiente, Jorge Díaz Freije.

DA SÚA ENTREGA ENCÁRGASE A POLICÍA LOCAL

Títulos de aforo máximo

21/05/2020

O Concello está a repartir a primeira remesa de títulos do aforo máximo permitido aos comercios e locais hostaleiros que solicitaron a realización deste cálculo. O cartel plastificado que se lles entrega debe estar colocado nun lugar visible á entrada do establecemento para cumprir coa normativa vixente. O alcalde, Fernando Suárez, fai unha chamada aos negocios locais para que pidan que o Concello lles calcule o aforo máximo permitido de xeito cómodo, asinando unha declaración responsable que poden atopar na páxina web municipal.

BARCIA ALUDE ÁS RELACIÓNS QUE SEMPRE HOUBO NESTA ZONA

Mobilidade entre poboacións

20/05/2020

O Concello ven de enviarlle un escrito á Subdelegación do Goberno en Lugo solicitando que se permita o acceso ao municipio de Ribadeo á poboación do Occidente asturiano para que acuda a facer uso do comercio local como medida necesaria para a reactivación económica da vila. O alcalde, Fernando Suárez, agarda que co paso á fase 2 na desescalada en Galicia se teña en conta esta petición e se restablezan as relacións comerciais nesta comarca natural.





© 2008 Concello de Ribadeo